test project

Azərbaycan mərkəzli yeni futbol mediası olan “Handikap” üçün hazırladığımız brendinq həm idman mədəniyyətinə bağlı olmalı, həm də yerli media sahəsində fərq yaratmaq məqsədini vizual olaraq ifadə etməli idi.

Araşdırma və Neyminq

Brendinq xidmətinin ilk iki həftəsi araşdırma mərhələsi ilə bağlıdır. Bir neçə variant arasından əsas götürdüyümüz bu variantda “Handikap” sözü, idmanda və xüsusilə mərc dünyasında rəqiblər arasındakı fərqi bildirən “handicap” anlayışından gəlir. 

Yerli auditoriyaya daha uyğun olması üçün ad kiçik dəyişiklik edilərək “handikap” kimi yazıldı.

Bu da brendin əsas iddiasını əks etdirir: fərq yaratmaq.

Konsept və məna

Vizual kimlik “+” formasında 4 dairədən ibarət əsas simvol üzərində qurulub:

• 4 fərqli yaşıl tonu hər biri özündə fərqi simvolizə edir
• Yaşıl rəng futbolda qələbə simvoludur

Rəng Palitrası

“Handikap”ın brendinqi yaşılın fərqli tonları üzərində qurulub. Rəng seçimi təsadüfi deyil.

• Yaşıl rəng futbolun əsas simvolik rənglərindən biridir. Meydanın rəngi olduğu üçün bu rəng idmanla və futbol mədəniyyəti ilə instinktiv olaraq assosiasiya olunur.
• Yaşıl həm də qələbə, inkişaf və pozitivlik mənalarını daşıyır. Bu isə brendin iddialı və dinamik mövqeyini dəstəkləyir.
• Son olaraq isə 4 fərqli rəng tonundan istifadə olunması “fərq”i bildirir.

Tipoqrafiya

Brendin vizual dilində istifadə olunan şriftlər, onun xarakterini və mesajını daha güclü şəkildə auditoriyaya çatdırmaq üçün xüsusi olaraq seçilib. 

1. Əsas Şrift: Space Grotesk

“Space Grotesk”  modern və funksional “sans-serif” şriftidir. Bu şrift oxunaqlılığı yüksək səviyyədə qoruyaraq, müasir dizayn estetikası ilə brendin texnoloji və yenilikçi tərəfini əks etdirir. Bu şrift əsasən başlıqlar, informasiya bölmələri və əsas mətnlərdə istifadə olunur.

• Minimalist və balanslı dizayn
• Web və mobil mühit üçün yüksək uyğunluq
• Yerli əlifba dəstəyi (ə, ö, ı, ğ, ş, ç və s.)
  

2. İkinci Şrift: Broday

“Broadway”  daha çox xarakter daşıyan, unikal görünüşlü və idman dünyasına uyğun güclü “sans-serif” şriftidir. Bu şrift əsasən vurğulu elementlərdə, kampaniya başlıqlarında və brendin emosional hissəsini ön plana çıxaran hissələrdə istifadə olunur.

• Qalın və özünəinamlı görünüş
• Ənənəvi idman tipində afişa estetikasına yaxın